वीरगंज । राष्ट्रिय दलित पत्रकार संघ नेपालको दोस्रो राष्ट्रिय महाधिवेशनबाट गोपाल बराइली अध्यक्षमा निर्वाचित भएका छन् । काठमाडौंमा मंगलबार सम्पन्न महाधिवेशनले बराइलीको नेतृत्वमा नयाँ कार्यसमिति सर्वसम्मत रूपमा चयन गरेको हो ।
महाधिवेशनबाट वरिष्ठ उपाध्यक्षमा लक्ष्मण दर्नाल निर्वाचित भएका छन् । उपाध्यक्षहरूमा सावित्री रसाइली, मानसिंह बिक, सुशील दर्नाल, नरभूपाल बिक, विनोद परियार, भोला पासवान, टेकेन्द्र विश्वकर्मा, प्रेमबहादुर बिक, भीमबहादुर बिक तथा सरिता बराइली चयन भएका छन् ।
त्यसैगरी महासचिवमा करण ताम्राकार निर्वाचित भएका छन् भने सचिवहरूमा राजेश कुमार पासवान, बसन्त विश्वकर्मा, चिन्ता परियार र बसन्त विश्वकर्मा चयन भएका छन् । कोषाध्यक्षमा सञ्जय सौगात निर्वाचित भएका छन् ।
नयाँ कार्यसमितिका सदस्यहरूमा हिरा परियार, कर्णबहादुर बिक, गणेश बिक, कुशल दलामी, अमिर रामदाम, मनिस बिक, अम्बिका परियार, अर्चना परियार, सुवास राम, मिना विश्वकर्मा, राजेश सुनाम, प्रकाश परियार, सञ्जु देवी परियार तथा पिवि दियाली निर्वाचित भएका छन् ।
महाधिवेशनको समापन कार्यक्रममा निवर्तमान अध्यक्ष विनोद पहाडीले नवनिर्वाचित पदाधिकारी तथा सदस्यहरूलाई बधाई दिँदै संस्थाको उद्देश्य, दलित पत्रकारहरूको हकहित र पेशागत सशक्तीकरणका लागि एकताबद्ध भएर काम गर्न आग्रह गरे । उनले संघलाई अझ प्रभावकारी र सक्रिय बनाउँदै दलित समुदायको आवाजलाई सञ्चारमाध्यममार्फत सशक्त रूपमा उठाउनुपर्नेमा जोड दिए ।
