वीरगंज । लिटिल बड्डी प्रिस्कुलमा आइतबार निःशुल्क आँखा जाँच शिविर सम्पन्न भएको छ । बालबालिका तथा शिक्षक–कर्मचारीको आँखा स्वास्थ्यप्रति सचेतना अभिवृद्धि गर्ने उद्देश्यले शिविर आयोजना गरिएको विद्यालयले जनाएको छ ।
वीरगंज सामुदायिक आँखा अस्पतालको प्राविधिक सहयोगमा सञ्चालित शिविरमा विद्यालयका १४० जना विद्यार्थी, उनीहरूका परिवारका सदस्य तथा १५ जना शिक्षक–कर्मचारीको आँखा परीक्षण गरिएको विद्यालयका प्रधानाध्यापक विजय कुमार बलले जानकारी दिए ।
शिविरमा प्याब्सन वीरगंज महानगर अध्यक्ष राहुल श्रीवास्तव, वीरगंज युवा समाजका पूर्व अध्यक्ष कमल चौगाईं, पत्रकार जगत राई तथा दिपु कुमार वर्णवालको उपस्थिति रहेको थियो ।
विद्यालयले नियमित स्वास्थ्य परीक्षणले विद्यार्थीहरूको समग्र स्वास्थ्य सुधारमा महत्वपूर्ण योगदान पुर्याउने विश्वासका साथ यस्ता कार्यक्रम सञ्चालन गर्दै आएको जनाएको छ ।
शिविरमा नेत्रचिकित्सक महेश सिंह धामी, प्रभात चौरसिया तथा नेत्र सहायकहरू मनोज पटेल र सृष्टि चौधरीको टाेलीले आँखाकाे जाँच गरेकाे थियो ।
