वीरगंज । राष्ट्रिय स्वतन्त्र पार्टी (रास्वपा) पर्साको कालिकामाई गाउँपालिकाका चार वटा वडामा वडा अधिवेशन सम्पन्न भएको छ भने एक वडाको अधिवेशन स्थगित भएको छ ।
पार्टीको केन्द्रीय कार्यतालिकाअनुसार शनिबार कालिकामाई गाउँपालिकाका वडा नं. १, २, ४ र ५ मा वडा अधिवेशन सम्पन्न भएको तथा वडा नं. ३ को अधिवेशन विवादका कारण स्थगित भएको रास्वपा पर्सा क्षेत्र नं. ४ का सभापति जितेन्द्र मिश्राले जानकारी दिए ।
उनका अनुसार सम्पन्न अधिवेशनबाट वडा नं. १ मा लालबाबु राउत बरई, वडा नं. २ मा मनमोहन प्रसाद चौरसिया, वडा नं. ४ मा विकास कुशवाहा र वडा नं. ५ मा धनिलाल राउत कुर्मीको सभापतित्वमा वडाकाे तदर्थ समितिहरू सर्वसम्मत रूपमा गठन गरिएको छ ।
रास्वपाले स्थानीय तहसम्म संगठन विस्तार तथा पार्टी गतिविधिलाई सशक्त बनाउन वडा अधिवेशनलाई प्राथमिकताका साथ सञ्चालन गरिरहेको जनाएको छ ।
