काठमाडौं । गृहमन्त्री सुधन गुरुङले पदबाट राजीनामा दिएका छन् । विवादित व्यवसायीसँग सेयर कारोबारमा संलग्न रहेको आरोप लागेपछि उनले प्रधानमन्त्री बालेन्द्र शाह (बालेन) समक्ष राजीनामा बुझाएका हुन् ।
गुरुङले आफ्नो राजीनामाबारे सामाजिक सञ्जालमार्फत सार्वजनिक जानकारी दिएका छन् । प्रधानमन्त्री शाहले पदभार ग्रहण गरेकै दिन गठन गरिएको मन्त्रिपरिषद्मा गुरुङ गृहमन्त्रीका रूपमा नियुक्त भएका थिए ।
पदभार सम्हालेको सुरुवाती चरणमा उच्च पदस्थ कर्मचारीलाई पक्राउ गरी चर्चा कमाएका गुरुङ पछिल्लो समय भने विभिन्न विवादका कारण आलोचनाको केन्द्रमा पर्दै आएका थिए ।
उच्च स्रोतका अनुसार, राष्ट्रिय स्वतन्त्र पार्टी (रास्वपा) का सभापति रवि लामिछानेसँग भएको छलफलपछि गुरुङले राजीनामा दिने निर्णय गरेका हुन् ।
