Date
बुध, मंसिर २, २०८३
Wed, November 18, 2026

महुवनमा मध्यराति आगलागी : तीन घर जले, १५ लाखको क्षति

spot_img
spot_img

वीरगंज । पर्साको सखुवाप्रसौनी गाउँपालिका–५ महुवनमा सोमबार मध्यराति भएको आगलागीमा तीन वटा घर जलेर नष्ट भएका छन्। विद्युत सर्टसर्किटका कारण आगलागी भएको प्रारम्भिक अनुमान गरिएको छ।

इलाका प्रहरी कार्यालय पोखरियाका प्रमुख प्रहरी निरीक्षक प्रदीप पौडेलका अनुसार राति करिब १२:४५ बजे स्थानीय संजय रामको घरबाट आगो सुरु भई छिमेकी मन्जय रामको घरमा समेत फैलिएको थियो।

आगलागीबाट संजय रामको बास र खरले छाएको तीन कोठे फुसको घर पूर्ण रूपमा जलेर नष्ट भएको छ । घरभित्र रहेको ना ३ प ९७९१ नम्बरको हिरो होण्डा मोटरसाइकल, फ्रिज, एक तोला सुन, नगद १ लाख ५० हजार, लत्ताकपडा, भाँडाकुँडा तथा भिभो कम्पनीको मोबाइल जलेर करिब ८ लाख बराबरको क्षति भएको पीडितले बताएका छन्।

त्यसैगरी मन्जय रामको घरमा पनि आगलागी हुँदा तीन कोठे फुसको घर पूर्ण रूपमा नष्ट भएको छ। आगलागीबाट काठको खाट ४ थान, साइकल २ थान, लत्ताकपडा, भाँडाकुँडा, घरभित्र रहेको धान–चामल, एक तोला सुन, १० तोला चाँदी, भिभो मोबाइल र नगद २ लाख गरी करिब ७ लाख बराबरको क्षति भएको जनाइएको छ।

स्थानीयवासी, प्रहरी चौकी महुवनका प्रमुख प्रहरी सहायक निरीक्षक उमेश यादवको कमाण्डमा खटिएको प्रहरी टोली तथा पोखरियाबाट गएको दमकलको सहयोगमा करिब एक घण्टापछि आगो पूर्ण रूपमा नियन्त्रणमा आएको प्रहरीले जनाएको छ। घटनामा मानवीय तथा चौपाया क्षति भने नभएको प्रहरीले पुष्टि गरेको छ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

वडा सदस्यको हस्ताक्षर किर्ते गरेको आरोपमा गाउँपालिका अध्यक्ष पक्राउ

वीरगंज । वडा सदस्यको हस्ताक्षर किर्ते गरी गाउँसभाबाट नीति तथा कार्यक्रम पारित गरेको आरोपमा सर्लाहीको बसबरिया गाउँपालिकाका अध्यक्ष रामसिहासन राय पक्राउ परेका छन् । ५५...

अमात्यको स्वास्थ्य अवस्थाबारे बुझ्दै देउवाले गरे राजनीतिक छलफल

वीरगंज । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले संविधानसभा सदस्य तथा नेपाली कांग्रेस पर्साका पूर्वसभापति राजेन्द्रबहादुर अमात्यको निवासमा पुगेर उहाँको स्वास्थ्य अवस्थाबारे जानकारी...

आन्दोलनको तयारीमा जुट्न एमाले नेता–कार्यकर्तालाई ओलीको निर्देशन

काठमाडौं । नेकपा (एमाले)का अध्यक्ष केपी शर्मा ओलीले जुनसुकै बेला आन्दोलन गर्नुपर्ने अवस्था आउन सक्ने भन्दै नेता तथा कार्यकर्तालाई तयारी अवस्थामा रहन निर्देशन दिएका...