वीरगंज । बाराको सिमरामा जेनजी युथ नेपाल बाराको आयोजनामा शुक्रबार सम्पन्न रक्तदान कार्यक्रममा १ सय ३७ जनाले रक्तदान गरेका छन्।
सिमरा बिजनेश सेन्टर परिसरमा आयोजित कार्यक्रममा १६ जना महिलासहित कुल १ सय ३७ जनाले रगत दान गरेको रक्त सञ्चार केन्द्र वीरगञ्जका प्राविधिक प्रमुख सौरभराज पाण्डेले जानकारी दिए।
रक्तदान गर्नेहरूमा इलाका प्रहरी कार्यालय सिमराका प्रहरी निरीक्षक दिवाकर गणेश, प्रहरी निरीक्षक प्रकाश थापा, प्रहरी नायब निरीक्षक नवराज दानी क्षेत्री, स्थानीय उमेश चौलागाईं, ठाकुर खतिवडा, सुजन स्याङतान, द्वारिका पौडेल, सन्तोष दाहाल, निशान श्रेष्ठ, किसन ढकाल, केदार ढकाल, रिता कंडेल, कविता सापकोटा, झलकनाथ भट्टराई, अमृत बस्याल, सुशान्त शाह, बबिन सुब्बा, आयुश न्यौपाने, अस्मित क्षेत्री, मिसन श्रेष्ठ, सुलभ पौडेललगायत रहेका छन्।
कार्यक्रममा इलाका प्रहरी कार्यालय सिमराले पनि समुदाय–प्रहरी साझेदारी कार्यक्रम अन्तर्गत सक्रिय सहभागिता जनाएको जेनजी बाराका अध्यक्ष सम्राट उपाध्यायले बताए।
