वीरगंज । ६९औं राष्ट्रिय सहकारी दिवसको अवसरमा पर्साका को–अपरेटिभ म्यानेजर्स क्लब (सीएमसी)ले आयोजना गरेको रक्तदान कार्यक्रम शुक्रबार वीरगंजस्थित माईस्थान मन्दिर प्राङ्गणमा सम्पन्न भएको छ । कार्यक्रममा ९ महिला सहित कुल ६१ जनाले रक्तदान गरेका छन्।
क्लबका अध्यक्ष चन्देश्वर प्रसाद चौरसियाको अध्यक्षतामा भएकाे रक्तदान कार्यक्रमको उद्घाटन वीरगंज महानगरपालिकाका मेयर राजेशमान सिंहले गरेका थिए । कार्यक्रममा अध्यक्ष चौरसिया, रबिभूषण श्रीवास्तव, शोभा कुशवाहा, सिकेन्द्र यादव, दिपिका श्रेष्ठ, इन्दु श्रेष्ठ र इन्द्रवती कुमारी लगायतकाले रक्तदान गरेका थिए।
उक्त अवसरमा क्लबका संस्थापक अध्यक्ष जिस्नु बराल, पूर्व अध्यक्ष रबिभूषण श्रीवास्तव, महासचिव प्रदीप कुमार लोहार, सचिव दिपेन्द्र श्रेष्ठ, कोषाध्यक्ष किरण ठाकुर लगायत सञ्चालक समिति सदस्य, विभिन्न सहकारी संस्थाका कर्मचारी तथा सहकारी क्षेत्रमा आवद्ध व्यक्तिहरुकाे उपस्थिति रहेको थियो।
कार्यक्रममा रक्त सञ्चार केन्द्रका शौरभराज पाण्डे, नितेश कुमार यादव, सनी यादव र मिथलेश साहको टोलीले प्राविधिक सहयोग प्रदान गरेको थियो।
