वीरगंज । सशस्त्र प्रहरी बल नेपाल, सीमा सुरक्षा गुल्म हे. क्वा. लहावरथकरीका गणपति प्रहरी नायब उपरिक्षक लोकनाथ उप्रेतीको बिदाई र नयाँ गणपति प्रहरी नायब उपरिक्षक प्रदिप बस्नेतको स्वागत कार्यक्रम सम्पन्न भएको छ।
कार्यक्रममा पकहाँ मैनपुर गाउँपालिका वडा नं. ४ का वडाध्यक्ष ढेडी प्रसाद यादव, वडा नं. ५ का वडाध्यक्ष बलिराम चौरसिया, वडा सदस्य पप्पु गिरी, समाजसेवी प्रभु पटेल र बिरेन्द्र पटेल लगायत स्थानीयले सहभागी भई गमछा र अविरको टीका लगाउँदै उप्रेतीको बिदाई तथा बस्नेतको स्वागत गरेका थिए।
स्थानीयहरूले सशस्त्र प्रहरी बलको मुख्य जिम्मेवारी सीमा सुरक्षा रहेको स्मरण गर्दै, नयाँ नेतृत्वसँग मिलेर सीमाप्रहरी सेवामा अझ प्रभावकारी योगदान दिन र समुदायमा शान्ति तथा सुरक्षा कायम राख्न प्रेरित गर्ने विश्वास व्यक्त गरेका छन्।
