वीरगंज । भारत सरकारले नेपाल सरकारलाई १९ थान वान टन सवारीसाधन हस्तान्तरण गरेको छ।
वीरगंजस्थित भारतीय महावाणिज्य दूतावासका वाणिज्यदूत मनिषकुमार दासले आइसिपीस्थित वीरगंज भन्सार परिसरमा पर्साका सहायक प्रमुख जिल्ला अधिकारी सुमनकुमार कार्कीलाई उक्त सवारीसाधन हस्तान्तरण गर्नुभएको हो।
दूतावासका अनुसार नेपाल सरकारको आग्रहअनुसार सहयोगस्वरूप ती सवारीसाधन उपलब्ध गराइएको हो।
सहायक प्रमुख जिल्ला अधिकारी कार्कीले सवारीसाधन उपलब्ध गराएकोमा भारत सरकारप्रति आभार व्यक्त गर्दै ती सवारीसाधन गृहमन्त्रालय अन्तर्गत पठाइएको जानकारी दिनुभयो।
