वीरगंज । पर्साको धोबिनी गाउँपालिका वडा नं. ३ हरिहरपुरका नेपाली कांग्रेसका वडा सभापति बासुदेव तिवारीको निधन भएको छ ।
- Advertisement -
६२ वर्षीय तिवारीको बुधबार राति उपचारका क्रममा वीरगंजस्थित नेशनल मेडिकल कलेजमा असामयिक निधन भएको नेपाली कांग्रेस पर्सा क्षेत्र नं. ४ का कोषाध्यक्ष बिनय द्विवेदीले जानकारी दिएका छन् ।
तिवारीको निधनप्रति नेपाली कांग्रेस पर्सा क्षेत्र नं. ४ क्षेत्रीय कार्यसमितिले गहिरो दुःख व्यक्त गर्दै श्रद्धाञ्जली अर्पण गरेको छ । क्षेत्रीय सभापति श्रीकान्त यादवले दिवंगत आत्माको चिरशान्तिको कामना गर्दै शोकसन्तप्त परिवारजन, आफन्त तथा पार्टीप्रति समवेदना व्यक्त गरेका छन् ।
उनले तिवारीको निधनले नेपाली कांग्रेस र स्थानीय समाजमा अपूरणीय क्षति पुगेको उल्लेख गरेका छन् ।
