वीरगंज । वीरगंजस्थित बसपार्कको भानुचोकमा रहेको एक लजमा आइतबार बिहान एक दम्पती झुण्डिएको अवस्थामा मृत फेला परेका छन्।
- Advertisement -
जिल्ला प्रहरी कार्यालय पर्साका अनुसार नवदुर्गा लजमा विगत तीन दिनदेखि बस्दै आएका भारतीय दम्पती आफ्नै कोठाभित्र झुण्डिएको अवस्थामा भेटिएका हुन्।
प्रहरीले दिएको जानकारीअनुसार करिब ४० वर्षीय पुरुष र ३५ वर्षीया महिला कोठामा झुण्डिएको अवस्थामा देखेपछि लज सञ्चालकले प्रहरीलाई खबर गरेका थिए । सूचनापछि पुगेको प्रहरी टोलीले शव बरामद गरेको हो ।
हालसम्म मृतक दम्पतीको पहिचान खुल्न नसकेकाे जिल्ला प्रहरी कार्यालय पर्साका प्रवक्ता प्रहरी नायब उपरीक्षक हरि बहादुर बस्नेतले जानकारी दिए । उनका अनुसार दुवै जनाको शव पोस्टमार्टमका लागि नारायणी अस्पताल पठाइएको छ।
घटना बारे थप अनुसन्धान भइरहेकाे प्रहरीले जनाएको छ ।
