वीरगंज । लामो समयदेखि जीर्ण अवस्थामा रहेको नारायणी रंगशालाको प्याराफिट पुनर्निर्माण कार्य बिहीबारदेखि औपचारिक रूपमा सुरु गरिएको छ।
मधेस प्रदेश खेलकुद परिषद्का सदस्य सचिव शिवजी गुप्ताले एक कार्यक्रमबीच पुनर्निर्माण कार्यको शिलान्यास गरेका हुन् । शिलान्यास गर्दै उनले सम्झौताअनुसार निर्धारित समयमै निर्माण कार्य सम्पन्न हुने विश्वास व्यक्त गरे।
गत भदौ २३ र २४ मा भएको जेनजी आन्दोलन तथा हालै सम्पन्न निर्वाचनका कारण निर्माण कार्य केही ढिलो गरी सुरु गरिएको जनाइएको छ।
सरकारले चालू आर्थिक वर्ष २०८२/८३ को बजेटमार्फत रंगशालाको पुनर्निर्माणका लागि ४ करोड रुपैयाँ विनियोजन गरेको थियो। सोही बजेटअन्तर्गत ब्लक ‘सि’ को प्याराफिट निर्माणका लागि काठमाडौंस्थित अन्कुर निर्माण सेवाले २ करोड १७ लाख ७२ हजार रुपैयाँ (भ्याट बाहेक) मा ठेक्का पाएको छ।
राष्ट्रिय खेलकुद परिषदका इन्जिनियर शिवचन्द्र यादवका अनुसार तत्कालीन केपी शर्मा ओली नेतृत्वको सरकारले नै रंगशालाका लागि बजेट विनियोजन गरेको थियो, जुन हाल निकासा भएपछि काम अघि बढाइएको हो।
हाल जीर्ण प्याराफिटहरू डोजर प्रयोग गरी भत्काउने काम सुरु भइसकेको छ । पहिलो चरणमा पुराना संरचना हटाई नयाँ प्याराफिट निर्माण गरिने योजना रहेको जनाइएको छ।
पर्सा जिल्ला खेलकुद विकास समितिका अध्यक्ष दीपक कुमार कानुले पनि रंगशालाको जीर्ण अवस्थालाई ध्यानमा राख्दै चरणबद्ध रूपमा पुनर्निर्माण गरिने बताए ।
काठमाडौंस्थित दशरथ रंगशाला पछिको दोस्रो ठूलो मानिने नारायणी रंगशाला (करिब ३५ हजार दर्शक क्षमता) लामो समयदेखि मर्मत अभावका कारण प्रयोगविहीन बन्दै आएको थियो।
स्थानीय खेलप्रेमी तथा खेलाडीहरूले करिब एक दशकदेखि पुनर्निर्माणको माग गर्दै दबाबमूलक आन्दोलन गर्दै आएका थिए भने संघीय तथा प्रदेश संसदमा समेत यस विषयमा पटक–पटक आवाज उठाइएको थियो।
वि.सं. २०३८ सालमा तत्कालीन अञ्चलाधीश लक्ष्यबहादुर गुरुङको पहलमा फुटबल, क्रिकेट र कवर्ड हल निर्माणका लागि १७ बिघा १० कट्ठा जग्गा अधिग्रहण गरिएको थियो। २०४२ सालमा निर्माण सम्पन्न भएको रंगशालाको उद्घाटन तत्कालीन राजा वीरेन्द्र शाह ले गरेका थिए।
एक समय राष्ट्रियस्तरका विभिन्न खेलकुद प्रतियोगिताको केन्द्र बनेको यो रंगशाला मर्मत सम्भार अभावमा पछिल्ला वर्षहरूमा निष्क्रिय जस्तै बनेको थियो। पुनर्निर्माण सुरु भएसँगै अब रंगशाला पुनः सञ्चालनमा आउने अपेक्षा गरिएको छ।
dapoxetine sildenafil
dapoxetine sildenafil
fluconazole 200 mg tablet
fluconazole 200 mg tablet
misoprostol vaginally
misoprostol vaginally