वीरगंज । नेशनल मेडिकल कलेज तथा शिक्षण अस्पताल, वीरगञ्जले शैक्षिक सत्र २०८२/०८३ का प्रथम वर्षका एमबीबीएस, बीडीएस, बी.एस्सी. नर्सिङ, बीएनएस, बीएमएलटी तथा बीएमआईटी कार्यक्रमका नवप्रवेशी विद्यार्थीहरूका लागि स्वागत तथा अभिमुखीकरण कार्यक्रम आयोजना गरेको छ। कार्यक्रम २०८२ साल फागुन २७ गते कलेजको लेक्चर थिएटर–१, वीरगञ्जमा सम्पन्न भएको हो।
कार्यक्रमको उद्देश्य नयाँ विद्यार्थीहरूलाई कलेजको शैक्षिक वातावरण, नियम–कानुन, शैक्षिक संरचना र पेशागत दायित्वबारे जानकारी गराउनु रहेको थियो। कार्यक्रममा विद्यार्थी, अभिभावक तथा कलेजका प्राध्यापक र कर्मचारीबीच परिचयात्मक वातावरण सिर्जना गरिएको थियो।
नेशनल मेडिकल कलेजका प्रिन्सिपल प्रा. डा. के. एन. सिंहको अध्यक्षतामा कार्यक्रम सम्पन्न भएको थियो भने कलेजका अध्यक्ष प्रा. डा. जैनुदिन अन्सारी प्रमुख अतिथि तथा प्रबन्ध निर्देशक श्री शहनवाज अन्सारी विशेष अतिथिका रूपमा उपस्थित हुनुहुन्थ्यो।
कार्यक्रमको औपचारिक उद्घाटन राष्ट्रिय गान प्रस्तुत गर्दै पानस प्रज्वलनमार्फत गरिएको थियो। त्यसपछि नवप्रवेशी विद्यार्थी, अभिभावक र प्राध्यापकहरूले आ–आफ्नो परिचय प्रस्तुत गरे। विद्यार्थीहरूलाई प्रा. डा. रवि शंकर गुप्ताद्वारा शपथ ग्रहण गराइएको थियो।
अस्पताल निर्देशक डा. इशरत जहाँ अन्सारी, एडमिसन तथा मार्केटिङ डाइरेक्टर श्री अबिद हुसैन अन्सारी, एकेडेमिक डाइरेक्टर डा. रुबी श्रेष्ठ लगायत अन्य विशिष्ट अतिथिहरूले स्वागत मन्तव्य व्यक्त गर्दै विद्यार्थीहरूलाई अनुशासन, समर्पण र मानव सेवाको भावनासहित अध्ययनमा अग्रसर हुन प्रेरित गरे।
कार्यक्रमको अन्त्यमा प्रबन्ध निर्देशक श्री शहनवाज अन्सारीले धन्यवाद ज्ञापन गर्दै नयाँ विद्यार्थीहरूको उज्ज्वल शैक्षिक यात्राको शुभकामना व्यक्त गर्नुभयो।
नेशनल मेडिकल कलेजले गुणस्तरीय चिकित्सा शिक्षा प्रदान गर्दै स्वास्थ्य सेवा र सामाजिक उत्तरदायित्वमा निरन्तर योगदान पुर्याउँदै आइरहेको छ।
