वीरगंज । पर्सा क्षेत्र नं. २ अन्तर्गत पर्सागढी नगरपालिका वडा नं. ६ निवासी नेपाली काँग्रेसका पूर्व वडाध्यक्ष प्रयाग पासवान मंगलबार नेपाल कम्युनिष्ट पार्टी (एमाले)मा प्रवेश गरेका छन्।
पासवानलाई आयोजित कार्यक्रममा एमालेका केन्द्रीय सदस्य विजय सरावगी, मधेश प्रदेश उपाध्यक्ष बिचारी यादव, वीरगञ्ज महानगर कमिटीका कार्यवाहक अध्यक्ष लियाकत अली तथा बहुदरमाई नगरपालिकाका मेयर सिंगासन साह तेलीले खादा र अविरको टीका लगाएर स्वागत गरेका थिए।
यसैबीच, युवा संघ नेपालसँग आबद्ध युवा नेता तारकेश्वर चौवे पनि समर्थकसहित औपचारिक रूपमा एमालेमा प्रवेश गरेका छन्। एमाले पर्साका सचिव महेश दासका अनुसार चौवे सहित वीरगञ्ज महानगर कमिटीका सहसचिव नागेश्वर यादव, कोषाध्यक्ष जयप्रकाश मण्डल लगायतका नेताहरूले पनि पार्टी प्रवेश गरेका छन्।
नवप्रवेशीहरूलाई एमालेका केन्द्रीय सदस्य प्रभु हजरा, निर्मला देवकोटा, जिल्ला अध्यक्ष विशम्भर शर्मा, उपसचिव नविजान अन्सारी, क्षेत्र नं. २ की उम्मेदवार रीमा कुमारी यादव, संयोजक मनोज कुशवाह, प्रधुमन यादव लगायतले खादा–माला लगाएर स्वागत गरेका थिए।
पार्टी प्रवेशका क्रममा नवप्रवेशीहरूले पर्सा क्षेत्र नं. २ की उम्मेदवार रीमा कुमारी यादवलाई विजयी गराउन सक्रिय भूमिका खेल्ने प्रतिबद्धता व्यक्त गरेका छन्।
