वीरगंज । वीरगंज महानगरपालिका–२० अपौनीमा शनिबार बृहत् निशुल्क आँखा शिविर सम्पन्न भएको छ। स्थानीय युवा समाजसेवी बिक्की सिंहको पहलमा आयोजित शिविरमा ठूलो संख्यामा स्थानीय बासिन्दाले सेवा लिएका छन्।
नेराप्रावी अपौनीमा आयोजित शिविरमा नारायणी सेन्ट्रल अस्पतालका चिकित्सक डा. सन्तोष यादव नेतृत्वको टोलीले आँखा परीक्षण गरेको थियो। करिब पाँच घण्टासम्म सञ्चालन भएको शिविरमा स्थानीय करिब ४ सय जनाले आँखा परीक्षण गराएको पहलकर्ता बिक्की सिंहले जानकारी दिए।
उनका अनुसार शिविरका क्रममा ४० जनामा आँखा शल्यक्रिया आवश्यक पर्ने अवस्था देखिएको छ। परीक्षणमा सहभागी महिला तथा पुरुषलाई आवश्यक परामर्श र उपचारका लागि सिफारिससमेत गरिएको जनाइएको छ।
स्थानीयले सहज रूपमा विशेषज्ञ सेवा पाएको भन्दै आयोजकप्रति आभार व्यक्त गरेका छन्।
