वीरगंज । पर्सा निर्वाचन क्षेत्र नम्बर ४ अन्तर्गत छिपहरमाई गाउँपालिका वडा नम्बर ३ झलमहिया, जयमंगलापुर, बुडगायी गाउँमा नेपाली कांग्रेसको घरदैलो कार्यक्रम सम्पन्न भएको छ।
घरदैलो कार्यक्रममा स्थानीय बासिन्दाले उत्साहजनक सहभागिता जनाउँदै कांग्रेसका उम्मेदवार रमेश रिजाललाई अत्यधिक मतले विजयी गराउने प्रतिबद्धता व्यक्त गरेका छन् । स्थानीयले रिजाललाई आशीर्वाद दिँदै विकास र समृद्धिका एजेन्डामा अघि बढ्न समर्थन रहने बताएका थिए ।
कार्यक्रममा उम्मेदवार रिजालसँगै कांग्रेसका नेता शंकर प्रसाद चौधरी, रमेश पाण्डे, नवीन सिंह, श्रीकान्त प्रसाद यादव, धर्मेन्द्र कुमार पटेल तथा वडा नम्बर ३ का बुथ सभापति कृष्ण सिंहलगायतको उपस्थिति रहेको थियो।
घरदैलोका क्रममा रिजालले जनताका समस्या, गुनासा र सुझाव सुन्दै आगामी दिनमा जनचाहनाअनुसार काम गर्ने प्रतिबद्धता व्यक्त गरे । निर्वाचन नजिकिँदै जाँदा क्षेत्र नम्बर ४ मा कांग्रेसले प्रचार–प्रसार अभियानलाई थप तीव्र बनाएको जनाएको छ।
