वीरगंज । नेकपा एमाले पर्सा क्षेत्र नम्बर–३ मा आज आयोजित विशेष पुनर्मिलन कार्यक्रममा पर्सा क्षेत्र नं. ३ (ख) का निर्वतमान प्रदेश सांसद तथा एमालेका पुराना नेता प्रहल्लाद गिरी र युवा नेता रमेश साह पुनः एमालेमा फर्किएका छन्।
आयोजित कार्यक्रममा पुनः पार्टीमा प्रवेश गरेका नेताहरूलाई पर्सा–३ का प्रतिनिधिसभा सदस्य उम्मेद्वार रुपेश कुमार पाण्डेय, पूर्व प्रदेश मन्त्री प्रमोद जयसवाल लगायत स्थानीय अगुवा तथा कार्यकर्ताहरूले स्वागत गरेका थिए । स्वागतका क्रममा सहभागीहरूले “पुरानो घर एमालेमा फर्किएको” भन्दै खुशी व्यक्त गरेका थिए।
कार्यक्रममा बोल्दै नेताहरूले मुलुकको राष्ट्रियता जोगाउन र राजनीतिक स्थायित्वका लागि एमाले बलियो बनाउनुपर्ने आवश्यकता औँल्याए। उनीहरूले आगामी निर्वाचनमा सूर्य छापमा मतदान गर्न मतदातालाई आग्रह गरे।
पुनः एमालेमा फर्किएका प्रहल्लाद गिरीले पर्सा क्षेत्र नं. ३ का प्रतिनिधिसभा उम्मेद्वार रुपेश कुमार पाण्डेयलाई समर्थन जनाउँदै पार्टीको अभियानलाई अझ सशक्त बनाउने प्रतिबद्धता व्यक्त गरेका छन्।
पुनर्मिलन कार्यक्रममा पाेखरिया नगरपालिकाका मेयर प्रधुमन प्रसाद चाैहान, एमाले पर्साका उपाध्यक्ष मनाेज गुप्ता, क्षेत्रिय अध्यक्ष फरमान मियाँ लगायतकाे उपस्थिती रहेकाे थियाे । यस पुनर्मिलन कार्यक्रमले पर्सा क्षेत्र नम्बर–३ मा एमालेको संगठन थप मजबुत हुने विश्वास पार्टीले लिएको छ।
