वीरगंज । पर्सा निर्वाचन क्षेत्र नम्बर २ अन्तर्गत पर्सागढी नगरपालिका वडा नम्बर ५ झिंगना टोलमा राष्ट्रिय स्वतन्त्र पार्टी (रास्वपा) का प्रतिनिधिसभा सदस्य पदका उम्मेदवार सुशील कुमार कानु को घरदैलो कार्यक्रम निरन्तरतासहित सम्पन्न भएको छ। कार्यक्रममा बुद्धिजीवी, ज्येष्ठ नागरिक, युवा, महिला तथा कृषकहरूको ठूलो संख्यामा सहभागिता र उत्साहजनक समर्थन देखिएको थियो।
घरदैलोमा स्थानीयवासीले यसपटकको निर्वाचनले समाजमा सकारात्मक परिवर्तन ल्याउने अपेक्षा व्यक्त गर्दै उम्मेदवार कानुलाई समर्थन जनाए। उनले स्थानीयसँग प्रत्यक्ष संवाद गर्दै क्षेत्रका प्राथमिक समस्या समाधान गर्ने प्रतिबद्धता व्यक्त गरे।
उम्मेदवार कानुले पसरागढीमा अस्पताल र स्वास्थ्य सेवा व्यवस्थापन सुधार, खेलकुद पूर्वाधार विकास, कृषकहरूलाई समयमै मल र सिंचाइको सुविधा उपलब्ध गराउने विषयलाई प्राथमिकतामा राख्ने बताए। साथै बेरोजगार युवालाई स्थानीय स्तरमै पशुपालनसम्बन्धी प्राविधिक सीप तालिम प्रदान गरी रोजगारीको अवसर सिर्जना गरिने योजना अघि सार्दै उनले निर्वाचित भएसँगै यी समस्याहरू चरणबद्ध रूपमा समाधान गर्ने वचन दिएका छन्।
