वीरगंज । पर्सा निर्वाचन क्षेत्र नं. ४ अन्तर्गत जगरनाथपुर गाउँपालिका वडा नं. ४ मा जनमत पार्टीका एक स्थानीय नेता नेपाली कांग्रेसमा प्रवेश गरेका छन्।
२०७९ सालको स्थानीय तह निर्वाचनमा जनमत पार्टीबाट वडा अध्यक्ष पदमा उम्मेदवारी दिएका बालकेश्वर राम नेपाली कांग्रेसमा प्रवेश गरेको क्षेत्रीय कोषाध्यक्ष विनय द्विवेदीले जानकारी दिए।
एक कार्यक्रमका बिच रामलाई नेपाली कांग्रेस पर्साका सह–सचिव नवीन सिंहले अविरको टीका लगाएर पार्टीमा स्वागत गरेका थिए।
सो अवसरमा बोल्दै सह–सचिव सिंहले देशमा देखिएका समस्या समाधानका लागि नेपाली कांग्रेस नै उपयुक्त विकल्प भएको धारणा व्यक्त गरे । उनले फागुन २१ गते हुने निर्वाचनमा कांग्रेसका उम्मेदवार रमेश रिजाललाई विजयी गराउन सबैलाई एकजुट भएर लाग्न आग्रह समेत गरे।
कार्यक्रममा पार्टीका महाधिवेशन प्रतिनिधि रामदेव प्रसाद चौहान सहित स्थानीय नेता, कार्यकर्ता तथा समर्थकहरूको उल्लेखनीय उपस्थिति रहेको थियो ।
