वीरगंज । पर्सा क्षेत्र नं. ४ को नेपाल मुस्लिम संघ क्षेत्रीय कार्य समितिको बृहत क्षेत्रीय भेला शनिबार जगरनाथपुर गाउँपालिका वडा नं. २, जानकीटोला चौकमा सम्पन्न भएको छ । भेलामा नेपाली कांग्रेससँग आवद्ध मुस्लिम सहभागीहरूको उल्लेख्य उपस्थिति रहेको थियो।
संघकाे क्षेत्रीय सभापति आफताब मियाँ धुनियाको अध्यक्षा र पर्सा क्षेत्र नं. ४ का उम्मेदवार रमेश रिजालकाे प्रमुख आतिथ्यतामा भेला सम्पन्न भएकाे हाे । भेलालाई सम्बाेधन गर्दै उम्मेदवार रिजालले फगुन २१ गतेकाे निर्वाचनमा कांग्रेसकाे जित सुनिश्चित रहेकाे वताए । उनले कांग्रेसकाे जितले नै सबै समुदाकाे हित हुने दाबी गरे ।
कार्यक्रममा मुस्लिम संघका केन्द्रिय उपाध्यक्ष महमद सहाबुदिन, केन्द्रिय सदस्य सहरुम गद्दी, जिल्ला अध्यक्ष हबीब मिया, उपाध्यक्ष इमरान मिया, सचिव महमद सबिर, तब्रेज आलम, प्रदेश क्षेत्र सभापति महमूद अन्सारी, नेपाली कांग्रेसका जिल्ला सभापति पूर्वमन्त्री जनार्दन सिंह क्षेत्री, पर्सा प्रवक्ता रमेश पाण्डेय, क्षेत्रीय सभापति श्रीकान्त यादव लगायत अन्य मुस्लिम नेता तथा कार्यकर्ताहरूको बृहत उपस्थिती थियो।
भेलाले प्रतिनिधि सभा सदस्य पदका उम्मेदवार रमेश रिजाललाई फागुन २१ गते हुने निर्वाचनमा विजयी गराउने प्रतिबद्धता जाहेर गरेको छ।
