वीरगंज । वीरगंजको पानीटंकीमा अवस्थित लिटल बडी प्रि–स्कुलको तेस्रो वार्षिकोत्सव शुक्रबार भव्य रूपमा सम्पन्न भएको छ। क्लासिक बंक्वेटमा आयोजित कार्यक्रमको उद्घाटन वीरगन्ज महानगरपालिकाका प्रमुख प्रशासकीय अधिकृत अरविन्दलाल कर्णले गर्नुभएको थियो।
उद्घाटनपछि शुभकामना मन्तव्य व्यक्त गर्दै प्रमुख अतिथि कर्णले बालबालिकालाई पाठ्यक्रमको किताबी पढाइभन्दा व्यावहारिक ज्ञान र सीपको माध्यमबाट गरिने अध्यापन बढी उपलब्धिमूलक हुने बताउनुभयो। उहाँले लिटल बडी प्रि–स्कुलले छोटो अवधिमै उल्लेखनीय उपलब्धि हासिल गरेकोमा बधाई दिँदै आगामी दिनमा पनि व्यवहारिक ज्ञान र सीपमार्फत बालबालिकाको सर्वाङ्गीण विकासमा थप योगदान पुर्याउन सुझाव दिनुभयो।
लिटल बडी प्रि–स्कुलका प्रिन्सिपल विजय कुमार बलको अध्यक्षतामा सम्पन्न कार्यक्रममा विद्यालयका निर्देशक तथा प्याब्सन वीरगन्ज महानगरका अध्यक्ष राहुल श्रीवास्तव, प्रेस सेन्टर नेपाल मधेश प्रदेश अध्यक्ष नीरज पिठाकोटे, प्रेस युनियन पर्साका उपाध्यक्ष अलि असगर देवान, डा. प्रिती यादव, नेपाल इनोभेटिभ सोसाइटीका अध्यक्ष कमल चौगाईलगायत विभिन्न संघ–संस्थाका प्रतिनिधि तथा अभिभावकहरूको उपस्थिति रहेको थियो।
कार्यक्रममा विद्यालयका बालबालिकाहरूले प्रस्तुत गरेका नृत्य तथा अन्य सांस्कृतिक कार्यक्रमहरूले उपस्थित अभिभावक र अतिथिहरूलाई मनोरञ्जन प्रदान गरेका थिए।
