वीरगंज । प्याब्सन पर्साको आयोजनामा जारी प्याब्सन नेपाल मेडिसिटी अन्तर विद्यालय टी–२० नकआउट क्रिकेट प्रतियोगिता २०८२ अन्तर्गत आठौं दिन तीन खेल सम्पन्न भएका छन्।
आठौं दिनको पहिलो खेलमा बिकन माविले ज्ञानवाटिका माविलाई ५ रनले पराजित गरेको छ। टस जितेर पहिले ब्याटिङ गरेको बिकन माविले निर्धारित ओभरमा ७ विकेटको क्षतिमा ८८ रन बनाएको थियो। लक्ष्य पछ्याएको ज्ञानवाटिका मावि पूरा ओभर खेल्दै ८ विकेट गुमाएर ८३ रनमै सीमित भयो। यस खेलमा बिकन माविका सुमित राउत म्यान अफ द म्याच घोषित भए।
दोस्रो खेलमा डिएभी स्कूलले मस्कोट एकेडेमीलाई ५ विकेटले पराजित गरेको छ। टस जितेर बलिङ रोजेको डिएभी स्कूलका सामु पहिले ब्याटिङ गरेको मस्कोट एकेडेमीले पूरा ओभरमा ५ विकेट गुमाउँदै ८६ रन बनाएको थियो। जवाफमा डिएभी स्कूलले ११.५ ओभरमै लक्ष्य पूरा गरेको हो। उक्त खेलमा डिएभी स्कूलका ओम कुमार द्विवेदी म्यान अफ द म्याच बने।
आठौं दिनको तेस्रो खेलमा ज्ञान ज्योति माविले माउण्ट एडमण्डलाई ८ विकेटले पराजित गरेको छ। टस जितेर बलिङ रोजेको ज्ञान ज्योतिका अगाडि पहिले ब्याटिङ गरेको माउण्ट एडमण्डले पूरा ओभरमा ८ विकेटको नोक्सानीमा ८२ रनको लक्ष्य खडा गरेको थियो। ज्ञान ज्योति माविले उक्त लक्ष्य २ विकेट गुमाउँदै ११.५ ओभरमै पूरा गर्यो। यस खेलको म्यान अफ द म्याच ज्ञान ज्योति माविका प्रकाश यादव घोषित भए।
