वीरगंज । नेपाली कांग्रेसका पर्सा क्षेत्र नम्बर–२ का उम्मेदवार अजयकुमार चौरसिया आफ्नै घरमा लडेर घाइते भएका छन्। वीरगंज–१२ ओमआश्रम टोलस्थित आफ्नै घरको भ¥याङबाट ओर्लने क्रममा चिप्लिएर लड्दा उनको देब्रो खुट्टामा चोट लागेको हो।
आइतबार घरकै भ¥याङबाट झर्ने क्रममा लडेर घाइते भएका चौरसियाले सुरुआतमा दुखाइ कम हुने औषधि सेवन गरेका थिए। सोमबार उनले पर्सा क्षेत्र नम्बर–३ मा आयोजित कांग्रेसको क्षेत्रीय भेलामा समेत सहभागिता जनाएका थिए।
कार्यक्रम सकेर फर्कने क्रममा दुखाइ झन् बढेपछि चौरसिया वीरगंजको वीर्तास्थित सीता हस्पिटल पुगेका थिए। अस्पतालमा एक्स–रे गर्दा देब्रो खुट्टाको हड्डी क्रेक (भाँचिएको) देखिएपछि सोमबार साँझ चिकित्सकले प्लाष्टर गरेका छन्।
प्लाष्टरपछि चौरसिया घर फर्किएर घरमै आराम गरिरहेको पारिवारिक स्रोतले जनाएको छ। चिकित्सकले कम्तिमा १५ दिन वेड रेस्ट गर्न सल्लाह दिएको पारिवारिक स्रोतको भनाइ छ। यसका कारण उम्मेदवार चौरसियाको करिब १५ दिनसम्म घरदैलो अभियान तथा प्रत्यक्ष चुनावी गतिविधि प्रभावित हुने देखिएको छ।
