वीरगंज । नेपाली कम्युनिष्ट पार्टी (नेकपा) ले पर्सा क्षेत्र नं. २ बाट प्रतिनिधि सभा सदस्यका लागि मनाेज चाैधरीलाई उम्मेदवार बनाउने निर्णय गरेको छ ।
आगामी फागुन २१ गते हुने प्रतिनिधि सभा सदस्य निर्वाचनका लागि नेकपाले केन्द्रिय सदस्यसमेत रहेका चाैधरीलाई पर्सा–२ को टिकट दिएको हो । वीरगंज महानगरपालिका–१७ निवासी चाैधरी विद्यार्थी कालदेखि नै कम्युनिष्ट आन्दोलनमा सक्रिय रहँदै आएका छन् ।
उनी नेकपाका सहसंयोजक माधव कुमार नेपालसँग नजिक रहेका नेताका रूपमा चिनिन्छन् । टिकट पक्का भएपछि चाैधरीले भोलि मंगलबार मनोनयन दर्ताका लागि आवश्यक तयारी थालेका छन् ।
नेकपाले यस क्षेत्रबाट चाैधरीसहित प्रभाकर गुप्ता र सत्यनारायण राैनियारकाे नाम उम्मेदवारकाे लागि सिफारिस गरेकाे थियाे ।
