वीरगंज । नेपाल कम्युनिष्ट पार्टी (एमाले) ले पर्सा क्षेत्र नं. २ बाट रिमा कुमारी यादवलाई प्रतिनिधि सभा सदस्यको उम्मेदवार बनाउने निर्णय गरेको छ ।
वीरगंज महानगरपालिका वडा नं. २९ मुसैली निवासी २९ वर्षिय यादवलाई एमालेले आगामी फागुन २१ गते हुने प्रतिनिधि सभा निर्वाचनका लागि औपचारिक रूपमा टिकट दिएको हो ।
एमालेका केन्द्रीय सदस्य विजय सरावगी तथा मधेश प्रदेश कमिटीका उपाध्यक्ष बिचारी यादव लगायत पार्टीका प्रभावशाली नेताहरूको समर्थनमा रिमा यादवलाई उम्मेदवार बनाउने निर्णय गरिएको पार्टी स्रोतले जनाएको छ ।
यसैगरी पर्सा क्षेत्र नं. १ मा पुर्व मन्त्री एवं निवर्तमान प्रतिनिधि सभा सदस्य प्रदिप यादवलाई एमालले उम्मेदवार बनाएको छ ।
आईतवार राती जसपा परित्याग गरेर एमाले प्रवेश गरेका पुर्व मन्त्री यादवलाई प्रतिनिधि सभा सदस्यको उम्मेदवारको लागि पर्सा १ मा एमाले टिकट दिएको हो ।
