Date
बिहि, मंसिर ३, २०८३
Thu, November 19, 2026

पर्सामा माघी पर्व भव्य रूपमा मनाउने तयारी पूरा

spot_img
spot_img

वीरगंज । माघी खिचडी मूल समारोह समिति पर्साले आगामी माघ १ गते माघे पर्व भव्य रूपमा मनाउन सम्पूर्ण तयारी पूरा भएको जनाएको छ। समितिले मंगलबार नेपाल पत्रकार महासङ्घ पर्साको सभाहलमा पत्रकार सम्मेलन आयोजना गरी कार्यक्रमबारे जानकारी गराएको हो।

पत्रकार सम्मेलनमा कार्यक्रम संयोजक जङ्गबहादुर चौधरीले आदिवासी थारु समुदायको नयाँ वर्षका रूपमा मनाइने थारु नयाँ वर्ष २६५० को अवसरमा शुभकामना आदान–प्रदानसहित विविध सांस्कृतिक कार्यक्रम आयोजना गरिने जानकारी दिनुभयो। उहाँले यस वर्ष पनि माघी पर्वलाई पूर्णरूपमा भव्य र सभ्य रूपमा सम्पन्न गरिने बताउनुभयो।

आदिवासी थारु समुदायको राजनीतिक, सामाजिक तथा सांस्कृतिक पहिचानको संरक्षण र प्रवर्द्धन गर्ने उद्देश्यले आयोजना गरिने कार्यक्रममा घाटो, सामा–चकेवा, झम्टा, थारु पूर्वी नाच, थारु समुदायका बालबालिकाद्वारा गीत–नृत्य तथा बाल कला प्रदर्शनी प्रस्तुत गरिने समितिले जनाएको छ। साथै घोङ्गी, केकडा, माछा, परेवा, हाँस, कुखुरा, चिचरलगायत परम्परागत खानाका प्रदर्शनीसमेत राखिनेछ।

माघ १ गते आयोजना हुने मूल कार्यक्रम लक्ष्मीनारायण बनठाको प्रमुख आतिथ्यतामा सम्पन्न गरिने आर्थिक समिति संयोजक नन्दकिशोर पञ्जियारले जानकारी दिनुभयो।

समितिका अनुसार यसअघि माघ ३० गते पावरहाउस चोकदेखि मकालु हुँदै घण्टाघरसम्म मोटरसाइकल र्‍याली आयोजना गरिनेछ भने सोही दिन साँझ ६ बजे घण्टाघरमा दीप प्रज्वलन कार्यक्रम गरिनेछ। माघ १ गते बिहान ११ बजे घण्टाघरबाट झाँकीसहितको र्‍याली निकालेर आदर्श हुँदै कार्यक्रम स्थल स्वीमिङ पुल पुर्‍याइनेछ।

माघी पर्वको अवसरमा रक्तदान कार्यक्रमसहित विविध सांस्कृतिक कार्यक्रम आयोजना गरी पर्वलाई भव्य रूपमा मनाइने भएकाले पर्सा जिल्लाका सम्पूर्ण आदिवासी जनजाति तथा सर्वसाधारणलाई कार्यक्रममा उपस्थित हुन कार्यक्रम संयोजक चौधरीले आग्रह गर्नुभयो।

पत्रकार सम्मेलनमा थारु पत्रकार सङ्घका अध्यक्ष शम्भु महत्त्व थारु, मनोजा चौधरी, प्रचारप्रसार संयोजक दिपेन्द्र चौधरी, पुनम चौधरी, सांस्कृतिक संयोजक विजया ओझैया, सुरक्षा संयोजक विकास चौधरीलगायतको उपस्थिति रहेको थियो।

spot_img

ताजा अपडेट

spot_img
spot_img
spot_img

LEAVE A REPLY

Please enter your comment!
Please enter your name here

थप समाचार

जसपा छाडेर रास्वपा र काङ्ग्रेस रोजेका कालिकामाईका दुई वडाध्यक्षको पद गयो

वीरगंज । जनता समाजवादी पार्टी (जसपा) नेपाल त्यागेर अन्य राजनीतिक दलमा प्रवेश गरेका पर्साका दुई वडाध्यक्षसहित १८ जनप्रतिनिधिको निर्वाचित पद रिक्त भएको छ ।...

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...