वीरगंज । जनमत पार्टीका पूर्व पर्सा जिल्ला अध्यक्ष एवं पूर्व केन्द्रीय सदस्य तथा जगरनाथपुर गाउँपालिकाको २०७९ सालको मेयर प्रत्याशी डा. चन्दन प्रसाद चौहानले विधिवत रूपमा नेपाली कांग्रेसमा प्रवेश गरेका छन्।
आइतबार आयोजित एक कार्यक्रममा उनलाई पर्सा निर्वाचन क्षेत्र नम्बर–४ का सभापति एवं जगरनाथपुर गाउँपालिकाका अध्यक्ष श्रीकान्त प्रसाद यादव तथा मधेस प्रदेशका वन तथा वातावरण मन्त्री शंकर प्रसाद चौधरीले पार्टीमा स्वागत गरेका हुन्।
डा. चौहानको कांग्रेस प्रवेशसँगै जगरनाथपुर क्षेत्रको राजनीतिक समीकरणमा नयाँ तरंग आएको स्थानीय नेताहरूले बताएका छन्। पार्टी प्रवेश कार्यक्रमका क्रममा कांग्रेस नेतृत्वले डा. चौहानको राजनीतिक अनुभव, संगठनात्मक क्षमता र स्थानीय स्तरमा रहेको जनसमर्थनले पार्टीलाई थप मजबुत बनाउने क्षेत्रीय कोषाध्यक्ष विनय द्विवेदीले वताए ।
