वीरगंज । पर्साको छिपहरमाई गाउँपालिका–१ मिर्जापुरमा राष्ट्रिय स्वतन्त्र पार्टी (रास्वपा) को वडा भेला सम्पन्न भएको छ।
भेलाबाट प्रमेश्वर प्रसाद पटेलको अध्यक्षतामा वडा कार्यसमिति गठन गरिएको छ। नवगठित समितिको उपाध्यक्षमा मनोज प्रसाद यादव र सचिवमा श्रवन यादव चयन भएका छन्।
त्यसैगरी सदस्यहरूमा शेषनाथ यादव, अमिका यादव, मेघा यादव, बिरेन्द्र शर्मा, अमरेश राम, धमेन्द्र प्रसाद यादव, एकबाली साह कानु र तमराचनन्द साह चयन भएका छन्।
रास्वपा पर्सा क्षेत्र नं. ४ का सभापति जितेन्द्र मिश्राको सभापतित्व र रास्वपा पर्साका सभापति हरि पन्त प्रमुख अतिथ्यतामा भएको भेलामा प्रदेश प्रचार–प्रसार प्रमुख राम सर्राफ, जिल्ला उपसभापति तुलसी पौडेललगायत पार्टीका नेता तथा कार्यकर्ताको उपस्थिति रहेको थियो।
कार्यक्रमलाई सम्बोधन गर्दै रास्वपा पर्साका सभापति हरि पन्तले छिट्टै पर्सा जिल्लाका चारवटै निर्वाचन क्षेत्रमा वडा समिति गठन गरिने जानकारी दिए। उनले पछिल्लो समय वीरगञ्ज महानगरसहित जिल्लाभर राष्ट्रिय स्वतन्त्र पार्टीप्रति आम नागरिकको आकर्षण बढ्दै गएको दाबी गरे।
