वीरगंज । सशस्त्र प्रहरी बल, नेपाल पर्साले भारतबाट अवैध रूपमा भन्सार छली नेपाल भित्र्याइँदै गरिएको १६ लाख ०८ हजार ८६० रुपैयाँ बराबरको विभिन्न सामान बरामद गरी वीरगंज भन्सार कार्यालयमा दाखिला गरेको छ ।
सशस्त्र प्रहरी बल, नेपाल नं. १३ गण हे.क्वा. पर्साबाट खटिएको टोलीले शुक्रबार वीरगंज महानगरपालिका–२५ खलवा नाकास्थित भारतबाट विभिन्न सवारी साधनमा लोड गरी नेपालतर्फ ल्याउँदै गरिएको ७ लाख ५६ हजार ४९० रुपैयाँ बराबरको कपडा तथा कस्मेटिक सामान बरामद गरेको हो । उक्त सामान आवश्यक कारबाहीका लागि वीरगंज भन्सार कार्यालयमा बुझाइएको सशस्त्र प्रहरीले जनाएको छ ।
त्यसैगरी, सोही मितिमा सशस्त्र प्रहरी बल, नेपाल सीमा सुरक्षा गुल्म हे.क्वा. वीरगंजबाट खटिएको टोलीले खलवा नाकाबाट साइकलमा लोड गरी अवैध रूपमा नेपालतर्फ ल्याउँदै गरिएको ७ लाख ४९ हजार ८०० रुपैयाँ बराबरको कपडा, किराना, कफीदाना तथा कस्मेटिक सामान बरामद गरी भन्सार कार्यालयमा दाखिला गरेको छ ।
यस्तै, मिति २०८२/०९/०४ गते नै सशस्त्र प्रहरी बल, नेपाल सीमा सुरक्षा गुल्म हे.क्वा. अलौबाट खटिएको टोलीले वीरगंज महानगरपालिका–१७ कोनियास्थित भारतबाट भन्सार छलि साइकलमार्फत नेपालतर्फ ल्याउँदै गरिएको १ लाख २ हजार ५७० रुपैयाँ बराबरको किराना तथा एयरबट बरामद गरी आवश्यक कारबाहीका लागि वीरगंज भन्सार कार्यालयमा बुझाएको सशस्त्र प्रहरी बल, नेपाल नं. १३ गण हे.क्वा. पर्सा सूचना अधिकारी प्रहरी नायब उपरिक्षक विश्वराज योन्जनले जानकारी दिए ।
सशस्त्र प्रहरीले सीमा क्षेत्रमा अवैध ओसारपसार नियन्त्रण गर्न निरन्तर गस्ती तथा निगरानी बढाइएको जनाएको छ ।
