ताप्लेजुङ । जेनजी आन्दोलनका क्रममा केन्द्रिय कारागार जगन्नाथ देवल सुन्धाराबाट फरार भएका कैदी प्रदिप लुङ्गा भन्ने शंकर लिम्बुलाई जिल्ला प्रहरी कार्यालय ताप्लेजुङले पक्राउ गरेको छ । कर्तव्य ज्यान मुद्दामा अदालतले १० वर्ष कैद सजाय तोकेको र सोही अनुसार कैद भुक्तान गरिरहेका लिम्बु जेनजी आन्दाेलनकाे मौका पारेर फरार भएका थिए।
फुङलिङ नगरपालिका–५, बिरेन्द्र चौक नजिक लुकीछिपी बसिरहेको अवस्थामा प्रहरीले शक्रबार पक्राउ गरेको जनाएको छ। पक्राउ परेका कैदी जिल्ला ताप्लेजुङ मिक्वाखोला गाउँपालिका–१ घर भएका र हाल काठमाडौंको बुढानिलकण्ठ नगरपालिका–८ बस्दै आएका ३४ वर्षीय प्रदिप लुङ्गा रहेको प्रहरीले जनाएको छ।
फरार कैदीलाई आवश्यक कारबाहीका लागि आजै कारागार कार्यालय ताप्लेजुङमा बुझाइएको जिल्ला प्रहरी कार्यालय ताप्लेजुङका प्रबक्ता तथा सूचना अधिकारी जटाशंकर यादवले जानकारी दिए ।
