वीरगंज । जेनजी आन्दोलनका समर्थकहरूले शुक्रबार वीरगंजमा खबरदारी बाइक र्याली आयोजना गर्न लागेका छन् । वीरगंजकाे लालबंगला–घण्टाघरबाट बिहान ११:०० बजे र्यालि निस्कने जनाइएकाे छ।
- Advertisement -
आयाेजक कमन जेनजी र जेन जेड नेपालका अनुसार, सरकारले प्रस्तुत गरेको सम्झौतापत्रले जेनजी जनआन्दोलनको मूल मर्म, मुद्दा र जनआवाजलाई पूर्ण रूपमा बेवास्ता गरेको छ । उनीहरूले फेक आइडीबाट प्रस्तावित र अदृश्य शक्तिबाट संचालित सुशीला सरकारसँग भएको सम्झौतालाई अस्वीकार्य ठहर गर्दै युवाहरूलाई र्यालीमा सहभागि हुन आव्हान गरेका छन्।
र्यालीमार्फत युवाहरूले “हत्यारा र भ्रष्टाचारीलाई कारबाही गर” र “जेनजी आन्दोलनलाई संस्थागत गर” भन्ने मूल नारा अघि सारेका छन्। आयोजकहरूले सम्पूर्ण युवाहरूलाई आन्दोलनको औचित्यपूर्ण समर्थनका लागि उपस्थित हुन अनुरोध गरेका छन् ।
