पोखरिया । पर्साको पोखरिया नगरपालिका वडा नं. ९, सेमरबारी टोलमा लायन्स क्लब बीरगंज परिवार, लायन्स क्लब बीरगंज सेन्ट्रल सिटि र जोन चेयरperson डा. लक्ष्मी थापाको सहयोगमा निःशुल्क आँखा जाँच तथा मोतियाबिन्दु परीक्षण शिविर सफलतापूर्वक सम्पन्न भएको छ।
स्थानीय नेता तथा समाजसेवी नेजामुद्दीन शमानी र आशा देवीको पहलमा आयोजना गरिएको शिविरमा तिलगंगा आँखा प्रतिष्ठान र बीरगंज सामुदायिक अस्पतालका विशेषज्ञ चिकित्सकहरूले आँखा जाँच र परामर्श प्रदान गरेका थिए।
जाँचका क्रममा ३४ जनामा मोतियाबिन्दु पत्ता लागेको र ती सबैको निःशुल्क शल्यक्रिया गरिने जानकारी लायन्स क्लब बीरगंज परिवारका अध्यक्ष नरोत्तम पाण्डेयले दिएका छन्। शिविर पोखरिया नगरपालिकाका दश वटै वार्डमा सञ्चालन हुने योजना रहेको छ।
कार्यक्रम समाजसेवी रोसन कुमार कुस्वाहाको अध्यक्षतामा सम्पन्न भएको थियो। कार्यक्रममा राष्ट्रिय मुक्ति नेपालका सह–महासचिव नेजामुद्दीन शमानी, नेपाली काँग्रेसकी नेता आशा देवी, रामेश्वर चौहान, नन्दकिशोर चौहान लगायतका सम्माननीय व्यक्तिहरूको विशेष उपस्थिति रहेको थियो।
