सेढवा । पर्साको पर्सागढी नगरपालिका–३ झुलिटारमा साेमबार बिहान बाघको आक्रमणबाट एक महिला गम्भीर घाइते भएकी छन्। स्थानीय ५५ वर्षीया शान्तामाया श्रेष्ठ घाँस काट्न जङ्गल गएका बेला बाघले आक्रमण गरेको हो।
जगतबहादुर श्रेष्ठकी श्रीमती शान्तामाया श्रेष्ठ गाउँ नजिकैको सबैया साझेदारी वनअन्तर्गत चिसापानी जङ्गल क्षेत्रमा अन्य महिलाहरूका साथ घाँस काटिरहेकी बेला बाघ अचानक आइपुगेको स्थानीय eyewitness हरूले बताएका छन्। साथमा रहेका महिलाहरूको चर्को चिच्याहटपछि बाघ भागे पनि श्रेष्ठको गाला, मुख, घाँटी र आँखामा गम्भीर चोट लागेको छ।
उनीलाई तत्काल उपचारका लागि वीरगंजस्थित नेशनल मेडिकल कलेज लगिएको र अहिले उपचार भइरहेकाे स्थानीयहरूले जानकारी दिएका छन्।
हिउँदको समयमा पर्सा राष्ट्रिय निकुञ्ज तथा डिभिजन वन कार्यालय क्षेत्रका जङ्गली जनावर—विशेषगरी हात्ती, बाघ र गैँडा—बस्ती नजिकै आउने तथा आक्रमण बढ्ने क्रम बढ्दै आएको छ। यसले वर्षेनी मानवीय तथा भौतिक क्षति निम्त्याइरहेको स्थानीय बासिन्दाहरूले बताएका छन्।
