वीरगंज । रोटरी क्लब अफ सैंबु भैसेपाटीले पर्सागढी नगरपालिका–३, झबराहास्थित श्री नेपाल राष्ट्रिय आधारभूत विद्यालयलाई प्रारम्भिक बालविकास (ईसीडी) सामग्री सहयोग गरेको छ । विद्यालय सुधार सहयोग कार्यक्रमअन्तर्गत सामग्री हस्तान्तरण गरिएको रोटरी क्लब अफ सैंबु भैसेपाटीका सचिव साबित्री पोखरेलले जानकारी दिइन्।
उनका अनुसार क्लबले ४१ थान चकटी, ४१ जोडी न्यानो लुगा, २४ मिटर कार्पेट, २ थान गलैंचा, ४१ जोडी जुत्ता–मोजा, ४१ थान ब्याग तथा ४१ थान रुमाल विद्यालयलाई प्रदान गरेको हो।
सामग्री हस्तान्तरण कार्यक्रम विद्यालयका प्रधानाध्यापक राजेन्द्र चौधरीको अध्यक्षता तथा पर्सागढी नगरपालिकाका प्रमुख गोकरण पाठकको प्रमुख आतिथ्यतामा सम्पन्न भएको थियो। कार्यक्रममा रोटरी क्लब अफ सैंबुका अध्यक्ष करणबिर थापा, रोटरी क्लब अफ वीरगंजका सचिव दिनदयाल केडिया लगायतको उपस्थिति रहेको थियो। कार्यक्रमको सञ्चालन शिक्षक महादेव चापागाईले गरेका थिए।
विद्यालयको शिक्षा स्तर सुधार, पहुँच विस्तार र गरिब, दलित तथा विपन्न परिवारका बालबालिकालाई प्रोत्साहन गर्ने उद्देश्यले सामग्री सहयोग गरिएको क्लबले जनाएको छ।
