वीरगंज । जेन जी नेपालका संयोजक सुदन गुरुङ र जेन जी पर्साका संयोजक विशेष साहसहित पर्सा जिल्लाका विभिन्न वडाहरू तथा पालिकामा सक्रिय युवा नेतृत्वबीच आज वीरगंजमा विशेष भेटघाट कार्यक्रम सम्पन्न भएको छ।
भेटघाटका क्रममा पर्साको युवा नेतृत्व, सामाजिक मुद्दा तथा आगामी संगठनात्मक योजनाबारे विस्तृत रूपमा छलफल गरिएको जेन जी पर्साले जानकारी दिएको छ।
कार्यक्रममा अभियन्ता रणधीर वर्णावाल, राजा गुप्ता, अजीत सिंह, अमर सराफ, आँशु सिंह, सागर सर्राफ, र रिशु वर्मासहितको टोली सहभागी थियो। टोलीले भेटघाटअघि वीरगंजस्थित ऐतिहासिक माईस्थान मन्दिरमा पूजा–पाठ गर्दै देश तथा प्रदेशको शान्ति, समृद्धि र युवाको उज्ज्वल भविष्यको कामना गरेको बताइएको छ।
युवाको भूमिकालाई मजबूत बनाउँदै पर्साको विकासका मुद्दाहरूलाई प्राथमिकता दिने र जेन जी युवाहरू एकीकृत रूपमा अघि बढ्ने सहमति समेत भेलाबाट व्यक्त गरिएको छ।
