वीरगंज । पर्सा जिल्लामा ठोरी गाउँपालिकाले यस वर्ष पनि स्वास्थ्य क्षेत्रमा प्रथम स्थान हासिल गर्न सफल भएको छ। स्वास्थ्य सेवामा सुधार, प्रभावकारी कार्यक्रम कार्यान्वयन तथा सर्वसाधारणलाई समयमै सेवा प्रवाहमा देखिएको सक्रियता र समर्पणका आधारमा ठोरी गाउँपालिका पुनः जिल्लामा उत्कृष्ट ठहरिएको हो।
यो उपलब्धि हासिल गर्न गाउँपालिकामा कार्यरत स्वास्थ्यकर्मी, कर्मचारी तथा सहकर्मीहरूको निरन्तर परिश्रम र लगनशीलताले महत्वपूर्ण भूमिका खेलेको उल्लेख गरिएको छ। दिनरात खटेर स्वास्थ्य सेवा उपलब्ध गराउने सबै स्वास्थ्यकर्मी तथा स्थानीय तह सरकारप्रति हार्दिक आभार व्यक्त गरिएको प्रमुख प्रशासकीय अधिकृत सराेज चाैधरीले वताए ।
ठोरी गाउँपालिकाले आगामी दिनमा पनि जनस्वास्थ्यका कार्यक्रमहरूलाई प्रभावकारी बनाउँदै सेवा प्रवाहलाई अझ सुदृढ बनाउने प्रतिवद्धता व्यक्त गरेको छ।
