वीरगंज । एकता युवा क्लबको आयोजनामा शनिबार वीरगंज–२४ रामगढवामा रक्तदान कार्यक्रम भव्य रूपमा सम्पन्न भएको छ। सामाजिक उत्तरदायित्व र मानव सेवालाई मुख्य उद्देश्य बनाएर सञ्चालन गरिएको कार्यक्रममा ६ महिलासहित ८१ जनाले रक्तदान गरेको रक्त सञ्चार केन्द्रले जनाएको छ।
रक्तदान गर्नेहरूमा नितेश पटेल, जितेन्द्र पटेल, धिरज पटेल, प्रेमचन्द्र पटेल, प्रवीण देवी, खुश्बु कुमारी, लक्ष्मी कुमारी, रमिता देवीलगायतको उल्लेखनीय उपस्थिति रहेको थियो।
कार्यक्रमको उद्घाटन नेपाल सरकारका पूर्व कानुन मन्त्री अजय कुमार चौरसियाले गरेका थिए।
एकता युवा क्लबका अध्यक्ष रोशन कुमार कुर्मीको अध्यक्षतामा सम्पन्न कार्यक्रममा मधेश प्रदेशका सांसद श्याम पटेल, जिल्ला प्रहरी कार्यालय पर्साका प्रमुख प्रहरी उपरीक्षक सुदिप राज पाठक, सशस्त्र प्रहरी उपरीक्षक पुरन चन्द्र भट्ट, प्रहरी नायब उपरीक्षक हरि बहादुर बस्नेत, प्रहरी नायब उपरीक्षक राजु कार्की, ट्राफिक प्रहरी निरीक्षक युवराज कटवाललगायतको सहभागिता रहेको थियो।
