वीरगंज । हिमालयन पिरामिड स्कुल/कलेज वीरगंजकाे आयोजनामा बुधबार रक्तदान कार्यक्रम सम्पन्न भएको छ। कलेजका प्रधानाध्यापक सञ्जय सिंहको अध्यक्षतामा सम्पन्न उक्त कार्यक्रममा चार महिला सहित ३८ जनाले रक्तदान गरेका छन्।
कार्यक्रममा मनोज प्रसाद केशरी, कृष्ण गुप्ता, अन्कित ठाकुर, विवेक कुशवाहा, हरिओम पासवान, सुमित साह, सुमित शर्मा, रितिक पटेल, अरपित क्षेत्री, गोपिचन साह, सुरज कुमार गुप्ता, सुमित कुमार साहलगायत विद्यार्थी र स्थानीय युवाहरूले उत्साहपूर्वक रक्तदान गरेका थिए।
कार्यक्रमका प्राविधिक पक्षमा रक्त संचार केन्द्र वीरगञ्जका इन्चार्ज सौरभराज पाण्डेको नेतृत्वमा रहेको टोलीले सहयोग प्रदान गरेको थियो।
सो अवसरमा सामाजिक अभियन्ता विक्की सर्राफ, राजेन्द्र भट्टराईलगायतको उपस्थिति रहेको थियो। आयोजक कलेजका अनुसार यस्ता सामाजिक उत्तरदायित्वमूलक कार्यक्रमले युवामा परोपकार र मानवसेवाको भावना अभिवृद्धि गर्न सहयोग पुर्याउँछन्।
