वीरगंज । ग्लोबल बिजनेस क्याम्पस वीरगंजकाे आयाेजनामा साेमबार रक्तदान कार्यक्रम सम्पन्न भएको छ । कार्यक्रममा ३५ महिला सहित १७३ जनाले रक्तदान गरेकाे रक्त संचार केन्द्र वीरगंजले जनाएकाे छ ।
क्याम्पसका प्रधानाध्यापक श्रीराम दासकाे अध्यक्षतामा भएकाे कार्यक्रममा पर्सा प्रहरी प्रमुख प्रहरी उपरीक्षक सुदीप राज पाठक, सशस्त्र प्रहरी उपरीक्षक पुरणराज भट्ट, नेपाल रेडक्रस सोसाइटी, पर्साका सभापति बृजकिशोर पटेल लगायतकाे विशेष उपस्थिती रहेकाे थियाे ।
त्यसैगरी, कार्यक्रममा ग्लोबल बिजनेस कलेजका संस्थापक तथा फाइनान्स हेड अशोक सराफ, संस्थापक तथा एचआर हेड ओमप्रकाश श्रेष्ठ, नेपाली विभाग प्रमुख सन्दीप राज साह लगायत शिक्षक, विद्यार्थी तथा समाजसेवीहरूको उल्लेखनीय सहभागिता रहेको थियो ।
आयोजकका अनुसार, कार्यक्रमको उद्देश्य युवामा सामाजिक उत्तरदायित्व, मानवता र परोपकारको भावना अभिवृद्धि गर्नु थियो । ग्लोबल बिजनेस क्याम्पसले भविष्यमा पनि यस्ता मानवसेवा र समाजोपयोगी कार्यक्रम निरन्तर सञ्चालन गर्ने प्रतिबद्धता जनाएको छ ।
