वीरगंज । सशस्त्र प्रहरी बल नेपाल नं. २, छिन्नमस्ता बाहिनीका गणपति डिआईजी कृष्ण ढकालले पर्सा, बारा, रौतहट र सर्लाही जिल्लाका सीमाक्षेत्रहरूको अनुगमन गरेका छन् ।
सीमाक्षेत्रको अवस्थाबारे प्रत्यक्ष जानकारी लिन डिआईजी ढकालयले जनप्रतिनिधि, प्रमुख जिल्ला अधिकारीहरू तथा स्थानीय सरोकारवालासँग अन्तरक्रिया गरेका हुन् ।
अनुगमनका क्रममा उनले मातहतका सशस्त्र प्रहरी गणहरूको निरीक्षण गर्दै सीमा सुरक्षालाई अझ प्रभावकारी बनाउन आवश्यक निर्देशन दिएका सशस्त्र प्रहरी बल नेपाल नं. १३ गण, पर्साका गणपति एसपी पुरनचन्द्र भट्टले जानकारी दिए ।
यस क्रममा डिआईजी ढकालयसँगै चारै जिल्लाका सशस्त्र प्रहरी उपरीक्षकहरू र स्थानीय सञ्चारकर्मीहरूको समेत सहभागिता रहेको थियो ।
