वीरगंज । नेपालीहरूको महान पर्व छठ पूजाको अवसरमा घडिअर्वा स्पोर्ट्स क्लब वीरगंजले आफ्नो २३औं रक्तदान कार्यक्रम भव्य रूपमा सम्पन्न गरेको छ।
क्लबका अध्यक्ष सन्तोष कुमार साहकाे अध्यक्षतामा भएकाे कार्यक्रमकाे उद्घाटन वीरगंज महानगरपालिकाका मेयर राजेशमान सिंहले गरेका थिए । उक्त कार्यक्रममा २ महिला सहित ६२ जनाले रक्तदान गरेका रक्त सञ्चार केन्द्र वीरगंजले जनाएकाे छ ।
घडिअर्वा पाेखरी परिसरमा भएकाे कार्यक्रममा वीरगंज–१० का वडाध्यक्ष सुशील साह कानु, राकेश साह, प्रभाकर गुप्ता, प्रदीप कुमार गुप्ता, राहुल साह कानु, दिपेश कुमार कर्ण, हरिशंकर साह, बिरेन्द्र कुशवाहा, बिरेन्द्र साह कानु, जितेन्द्र सिंह, रञ्जित कुमार सर्राफ, लालबाबु प्रसाद कुशवाहा, नरेंद्र प्रताप साह, मुकेश कुमार साह, दिनेश पासवान, र राकेश पटेल लगायतका व्यक्तिहरूले स्वेच्छिक रक्तदान गरेका थिए।
घडिअर्वा छठ पुजा व्यवस्थापन समितिकाे व्यवस्थापनमा भएकाे कार्यक्रममा रक्त सञ्चार केन्द्र वीरगंजका प्रमुख सौरभराज पाण्डे र उनको टोलीले प्राविधिक सहयोग प्रदान गरेको थियो।
