वीरगंज । वीरगंज महानगरपालिका–१७ अलौ पोष्ट नजिक सशस्त्र प्रहरीले गाँजा सहित एक वृद्धलाई नियन्त्रणमा लिएको छ ।
बिहिबार बिहान करिब ८:५० बजे प्रस्तावित सीमा सुरक्षा गुल्म अलौबाट खटिएको सशस्त्र प्रहरी नायब उपरिक्षक सुरज कुमार कार्कीको कमाण्डमा रहेको पाँच जनाको मोबाइल टोलीले चेकजाँच गर्ने क्रममा नेपालबाट भारततर्फ साईकलमा जाँदै गरेका वीरगंज–२६ अठराहा बस्ने ७४ वर्षीय इस्लाम अन्सारीलाई पक्राउ गरेको हो।
अन्सारीले बोकेको झोलामा १.९८५ किलोग्राम गाँजा फेला परेपछि साईकल सहित उनलाई नियन्त्रणमा लिइएको सशस्त्र प्रहरी बल नेपाल नं. १३ गण, पर्साले जनाएको छ । पक्राउ परेका व्यक्तिलाई आवश्यक कारबाहीका लागि वडा प्रहरी कार्यालय श्रीपुरमा बुझाइएको सशस्त्र प्रहरी उपरीक्षक पुरन चन्द्र भट्टले जानकारी दिए ।
