वीरगंज । पर्साको छिपहरमाई गाउँपालिका–वडा नं. ३, जयमङ्लापुरमा दङ्गल (कुस्ती) प्रतियोगिता मंगलबार सम्पन्न भएको छ। हरेक वर्षझैँ यस वर्ष पनि दीपावलिको शुभ अवसरमा आयोजना गरिएको यस प्रतियोगितामा देश तथ बिदेशका विभिन्न स्थानका पहलवानहरूले सहभागिता जनाएका थिए।
कार्यक्रममा छिपहरमाई गाउँपालिकाका वडा अध्यक्ष दिपेन्द्र सिंह, नेपाली कांग्रेस पर्साका सह–सचिव नवीन सिंहलगायतका व्यक्तित्वहरूको विशेष उपस्थिति रहेको थियो। आयोजक समितिका अनुसार यो प्रतियोगिताले स्थानीय स्तरमा खेलकुदको विकास र परम्परागत संस्कृतिको संरक्षणमा टेवा पुर्याउने उद्देश्य राखेको छ।
त्यसैगरी, दीपावली तथा छठ पर्वको उपलक्ष्यमा पर्साकै बिन्दबासिनी गाउँपालिका–वडा नं. ४, मधवलमा पनि मेला तथा कुस्ती प्रतियोगिता सम्पन्न भएको छ।
उक्त मेला उत्तम मेला समिति, मधवलको आयोजनामा सम्पन्न भएको हो । कार्यक्रमको अध्यक्षता मेला समितिका अध्यक्ष उत्तम तिवारीले गरेका थिए भने प्रमुख अतिथि बिन्दबासिनी गाउँपालिकाका अध्यक्ष प्रमोद तिवारी रहेका थिए।
मेलामा भएको कुस्ती प्रतियोगितामा स्थानीय तथा बाह्य पहलवानबीच रोचक प्रतिस्पर्धा भएको थियो ।
