वीरगंज । नेपाल प्रहरी प्रदेश कार्यालय वीरगंज र जिल्ला प्रहरी कार्यालय पर्साको संयुक्त आयोजनामा बिहीबार ७०औं प्रहरी दिवस–२०८२ को अवसरमा रक्तदान कार्यक्रम सम्पन्न भएको छ।
जिल्ला प्रहरी कार्यालय पर्साको प्राङ्गणमा सम्पन्न उक्त कार्यक्रममा एक महिलासहित कुल ६७ जनाले स्वेच्छिक रक्तदान गरेका छन् । रक्त संचार केन्द्र वीरगंजका अनुसार रामसुन्दरी यादव, धर्मेन्द्र प्रसाद, सम्बर गुरुङ, मनोर रसाइली, केदार तिमल्सिना, मोहम्मद जलीम अख्तर, गुलशन कुमार यादव, अफरोज आलम, ऋषिराम भट्टराई, लालबहादुर साह, मोतीलाल पासवान, लक्ष्मण कुमार यादव, सुदन पुरी, रामचन्द्र यादव, मुकेश रायलगायतले रक्तदान गरेका हुन् ।
‘नागरिक प्रहरी सहकार्य, सुरक्षाका लागि अपरिहार्य’ भन्ने नारा सहित आयोजित कार्यक्रममा पर्सागढी नगरपालिकाका मेयर गोकर्ण पाठक, नेपाल प्रहरी प्रदेश कार्यालय वीरगंजका प्रमुख प्रहरी वरिष्ठ उपरीक्षक (एसएसपी) शान्ति राज कोइराला, जिल्ला प्रहरी कार्यालय पर्साका प्रमुख प्रहरी उपरीक्षक (एसपी) सुदीप राज पाठक, प्रहरी नायब उपरीक्षक (डीएसपी) किशोर लम्साल लगायतको उपस्थिति रहेको थियो।
रक्तदान कार्यक्रमलाई रक्त सञ्चार केन्द्र वीरगंजका प्राविधिक जितेन्द्र कुशवाहाको नेतृत्वमा पुगेको टोलीले प्राविधिक सहयोग प्रदान गरेको थियो।
