कलैया । बाराको बारागढी गाउँपालिकामा नयाँ प्रमुख प्रशासकीय अधिकृत मुकेश मिश्राले औपचारिक रूपमा पदभार ग्रहण गरेका छन्।
शुक्रबार गाउँपालिकाको कार्यालयमा पुगेका मिश्रालाई गाउँपालिका अध्यक्ष अशोक कुमार जयसवाल, उपाध्यक्ष लक्ष्मी देवी राय लगायतका जनप्रतिनिधि तथा कर्मचारीहरूले फूलमाला र अबिरले स्वागत गरेका हुन्।
स्वागत कार्यक्रममा अध्यक्ष जयसवालले गाउँपालिकाको प्रशासनिक कामकाजलाई थप प्रभावकारी र पारदर्शी बनाउन नयाँ प्रमुख प्रशासकीय अधिकृतको आगमनले सकारात्मक ऊर्जा प्रवाह भएको बताएका छन्। उपाध्यक्ष रायले गाउँपालिकाको विकास, सुशासन र सेवाप्रवाहमा आपसी सहकार्यका साथ अगाडि बढ्ने विश्वास व्यक्त गरिन्।
प्रमुख प्रशासकीय अधिकृत मुकेश मिश्राले आफ्नो कार्यकालमा सेवा प्रवाहलाई जनमैत्री, पारदर्शी र परिणाममुखी बनाउने प्रतिबद्धता जनाएका छन्।
स्वागत कार्यक्रममा वडा अध्यक्षहरू, कर्मचारी, स्थानीय समाजसेवी र सरोकारवालाहरूको पनि उपस्थिति रहेको थियो।
