वीरगंज । परिवर्तन नेपाल फाउण्डेशनले वीरगंज महानगरपालिका–२६ स्थित इलाका प्रहरी कार्यालय सुगौली बिर्तालाई विभिन्न अति आवश्यक सामग्रीहरू सहयोगस्वरूप हस्तान्तरण गरेको छ ।
शुक्रबार सम्पन्न कार्यक्रममा संस्थाका अध्यक्ष बिशेष साह, संस्थापक रणधीर वर्णवाल, बालेश्वर जैसवाल, सामाजिक अभियन्ता बिकी सर्राफ र बिनय गिरीको उपस्थितिमा सामग्री हस्तान्तरण गरिएको हो ।
फाउण्डेशनले प्रहरी कार्यालयलाई कुकर १ थान, खाने थाल र ग्लास ६–६ पिस, जग र पानी बोतल २–२ पिस, चामल राख्ने ५० लिटरको ड्रम १ थान, झुल ४ पिस, बेडशीट २ पिस, बेड फोम २ पिस, एलईडी बल्ब ६ पिस, बाल्टिन २ पिस तथा टी–शर्ट, ट्रयाक प्यान्ट लगायतका कपडाहरू हस्तान्तरण गरेको जनाएको छ ।
बिमार्ट अनलाइन सपिङ, जोया फेशन, र अशोक यादवकाे सहकार्यमा जेन जि आन्दाेलनकाे क्रममा क्षतिग्रस्त प्रहरी कार्यालयलाई सहयाेग गरिएकाे अध्यक्ष साहले वताए । अध्यक्ष साहले प्रहरी कार्यालयलाई सहयोग गर्न पाउँदा खुशी लागेको बताउँदै आगामी दिनमा पनि यस्ता सामाजिक सहकार्य र सहयोगात्मक गतिविधि निरन्तर सञ्चालन गरिने प्रतिबद्धता जनाए ।
