वीरगंज । विश्व दृष्टि दिवसको अवसरमा पर्साका प्रहरी कर्मचारीहरूलाई लक्षित गरी निःशुल्क आँखा परीक्षण शिविर सम्पन्न गरिएको छ ।
समुदाय–प्रहरी साझेदारी कार्यक्रम अन्तर्गत जिल्ला प्रहरी कार्यालय पर्सा र रामकुमार महावीर प्रसाद केडिया आँखा अस्पताल, वीरगंजको संयुक्त आयोजनामा बिहीबार बिहान जिल्ला प्रहरी कार्यालय पर्साको सभा हलमा उक्त कार्यक्रम सञ्चालन गरिएको हो ।
कार्यक्रममा नेत्र अधिकृत कौशल कुमार कर्ण, नेत्र सहायक अधिकृत सन्तोष ठाकुर, नेत्र सहायक अधिकृत आशा साह र अस्पताल व्यवस्थापक प्रकाश कुमार वर्मासहितको टोलीले आँखा परीक्षण सेवा प्रदान गरेको थियो ।
शिविरमा सहभागी १८५ जना प्रहरीमध्ये १०२ जनालाई चश्मा, ११३ जनालाई औषधि वितरण गरिएको, १ जनामा मोतियाबिन्दु र १ जनामा उच्च दृष्टि दोष (High Power) रहेको पाइएको जिल्ला प्रहरी कार्यालय पर्साले जनाएको छ ।
कार्यक्रममा जिल्ला प्रहरी कार्यालय पर्साका प्रमुख प्रहरी उपरीक्षक सुदीप राज पाठक, प्रहरी नायव उपरीक्षक किशोर लम्साल लगायत प्रहरी कर्मचारीहरूको उपस्थितिमा सञ्चालन भएको थियाे ।
