वीरगंज । विश्व दृष्टि दिवसको अवसरमा नेपाल नेत्रज्योति संघ पर्साको आयोजनामा सशस्त्र प्रहरी बल चिनिमिलका प्रहरीहरूका लागि निःशुल्क आँखा परीक्षण कार्यक्रम सम्पन्न भएको छ ।
संघका सभापति भगवती चौधरीको सभापतित्वमा सम्पन्न उक्त शिविरको उद्घाटन सशस्त्र प्रहरी उपरीक्षक पुरन भट्टले आफ्नै आँखा परीक्षण गराई गरेका थिए । शिविरमा सशस्त्र प्रहरी बल चिनिमिलमा कार्यरत ६८ जना सशस्त्र प्रहरीहरूले आँखा परीक्षण गराई चश्मा तथा औषधि वितरणबाट प्रत्यक्ष लाभ लिएकाे संघका कार्यसमिति सदस्य राजन श्रीवास्तवले जानकारी दिए ।
कार्यक्रममा संघका उपाध्यक्ष मदन प्रसाद गुप्ता, सचिव सिताराम उपाध्याय, कोषाध्यक्ष दिपिका श्रेष्ठ, सदस्यहरू महन्थ प्रसाद यादव, गणेश साह, उमेश गुप्ता, सुनिता नेपाल, समित कर्ण र बसन्त गुप्ता लगायतको उपस्थिति रहेको थियो ।
शिविरमा नेत्र सहायक अंजली चौधरी र टेक्निसियन आनन्द कुमार साहले आँखा परीक्षण तथा प्राविधिक सहयोग प्रदान गरेका थिए ।
