वीरगंज । नेपालका राष्ट्रिय पहलवान राज यादव इरानको उर्मिया शहरमा आयोजना हुने ७औं एशियन ज़ुरखानेह कुस्ती (पहलवानी) खेलमा नेपालको प्रतिनिधित्व गर्न नेपालबाट प्रस्थान गरेका छन्।
पर्साकाे पोखरिया नगरपालिका वडा नं. १० शिवबर्वा निवासी यादवले १२० के.जी. तौल समूहमा प्रतिस्पर्धा गर्नेछन् । उनी राष्ट्रिय स्तरमा ८ पटक स्वर्ण (Gold) र १ पटक रजत (Silver) पदक जितिसकेका छन् भने Asian Games 2023 मा ७औं स्थान प्राप्त गरेका थिए।
यसपटक पनि यादव नेपालको सान बढाउने लक्ष्यसहित प्रतियोगितामा सहभागी हुँदैछन्। उनी दुबई हुँदै इरान प्रस्थान गरेका हुन्। सम्पूर्ण टोलीलाई पोखरिया नगरपालिका, मधेस प्रदेश र नेपालको नाम उज्यालो पार्दै Gold Medal जित्ने शुभकामना व्यक्त गरिएको छ।
