पोखरिया । पर्साकाे पोखरिया नगरपालिका वडा नम्बर ५, सतवरियास्थित दलित बस्तीका ७५ जना बाढी पीड़ित परिवारलाई राहत सामग्री वितरण गरिएको छ । वितरण गरिएको सामग्रीमा चामल, दाल, नून, तेल, प्याज, आलु, सोयाबिन, तरकारी, मसला र त्रिपाल समावेश छन्।
- Advertisement -
अविरल वर्षाका कारण बस्ती पूर्ण रूपमा डुबानमा परेका थिए र जनजीवन अत्यन्त कष्टकर बनेको थियो । बाढी पीड़ितहरू खुलेआकाश मुनि रात कटाइरहेका थिए । पोखरिया नगरपालिकाका प्रमुख प्रद्युमन प्रसाद चौहानले पीड़ितहरूलाई कुनै पनि असुविधा वा आवश्यकतामा नगरपालिकाले सहयोग गर्ने प्रतिबद्धता जनाएका छन् ।
राहत वितरणमा प्रमुख प्रशासकीय अधिकृत रामविनय कुमार सिंह, वडा नम्बर ५ का वडाध्यक्ष महेन्द्र महतो, वडा सदस्य पन्नालाल, नगरपालिकाका प्रशासन शाखा प्रमुख संजय कुमार पाण्डेय, विपद् व्यवस्थापन शाखा प्रमुख राजेश पटेललगायत सहभागी थिए।
